صرخــه / مرتضى الميال

هواني ولا اخيلين النظر

آنه ذاك الچان يهذي من الحياة

چي غسل من راسي مفعول النبيذ

وانتي ذيچ العين ترسل من بعيد

وانتي ذيچ الجبرت بخاطر الروح

وصرخت بترس أذني صرخة بلايه صوت

صرخة فكره انطتني عن معنى الكيان

واعتقد هسه آني ما اشبه هذاك

آنه ذاك اللي أخذتيله صور

وشامر القاروره ويذم بالمطر

وما غسل من راسي مفعول البشر

عاطفه وحنيه واحساس وحذر

صافحتني وردت بجسمي الخدر

صرخه ما خلتني بس تركت أثر

وانتشار الذات من كل منحدر

اخذيلي صوره ومسحي كل ذيچ الصور