سافرتي / محمد فاضل العبودي

سافرتي غفل بشراع دخان

والريح اللي گبلچ يهدم أبيوت

وأحبال الشراع الفاتن أبليل

مغبر والنفس يتختل الموت

وأطراف البديچ يرجفن أصهيل

سد بابه النفس لا يطلع الصوت

هد الريح منجل يحصد الطار

شلع حته الشجر بالگاع منبوت

وطيور البراري البانيه أعشوش

عله اچتاف الشجر يشمرهه ويفوت

يا عشگ السعف من حاوطه الموت

إتنكر شَعرها ابثوب تابوت

كل ظنها الگبلها يهاب الأثياب

فرحها خِصل من راس مكتوت

طاحن عالورق كل شعره ناعور

تنزف بالحلم والموت زاتوت

درت درب العمر وياها خلصان

ضحكت للمنايه بوجهه مكبوت

وحديثه العمر ما عابر الشوگ

تحلم بالظفيره وصوت البتوت

وأهي بلايه الشَعَر شتمشط گبال

لمرايه وشَعَر مبيوگ بسكوت

وما فرزنت ريح الگابلت لشراع

شمرتهه وعليها تگاود الموت!