بانوراما الفرح / طارق حسين
- التفاصيل
- نشر بتاريخ الأحد, 06 آذار/مارس 2016 20:56
وتردين..
يجيبه مثل ما چنتي امس، وزوّد
عروسه..
مزوگه..
وعشاگچ يغنوچ..
الچ.. يا حلوة الحلوات
مشينه الگمر..
والشمس..
والنجمات..
وكتبنه كتابچ بحضرة الحمزه
وعاهدناچ ع الحب والوفه رمزه
وعلينه الروايا البيض
فوگ .. الفوگ
وصينه الشمس تنزل ع المناير طوگ
يحبيبه.. الحزن مهما ثگل خطار
واعمار الطغاة إگصار
إنسي الفات
وحسبي إحساب للجايات
ذمه برگبة الثوار
ترد الدار لهل الدار
***
طريق الشعب:
رديت الك.. رد إلي
أقراك وقراني
هذا آن هالك.. وانته لي
ما مش محب ثاني
" يابو زبون الحمر ومطرز بأبر
كل الشرايع زلك من يمنه العبره"