وطن حر وشعب سعيد / حسين جهيد الحافظ
- التفاصيل
- نشر بتاريخ الأربعاء, 03 شباط/فبراير 2016 19:43
وطن بيه البلابل للحنين اِجناححر صوت العصافير ..
اِبمحنه اِيغازل القدّاح
وشعب شوگه ..
جنح فختايه بالجوري
اِمطرز .. بالنده الفواح
سعيد وللسعاده اِشراع
شايل والونين أفراح
هذا اِنته !!
نبع من شيمة الطيبين
ضوه أفكارك گمر
واِهلال بيه عيدين
شارب من حلاة الگاع
من شهد الملح والطين
من عزة ثدايه أمنه
من عطر الگصب .. من شيمة النهرين
وفه ينگل وفه .. تتگاطر اِسنينك
وبيهن كبرن اِسنيني
ألوذ اِبسد محبتهن
((لوذ الحمائم بين الماء والطين))
وأرد أمطر وفه مجنون
عراقي آنه وعراقيتي
تكحل اِعيون يا بو اِعيون
شيوعي آنه وشيوعيتي
هوه والدنيه اِبنادم
شريان الخلگ فكري
ويطگ للناس كل الناس
من طبعي شهد مو دم
جنح بلبل حديقة بيت
حرير وبالترافه شوگ يتشيم
يتوضه اِبمحبة الناس
واِبحب البشر مبخوت يتيمم
اِبحب البشر مبخوت يتيمم