- التفاصيل
-
نشر بتاريخ الأربعاء, 10 شباط/فبراير 2016 18:47
انهض يا شعب لتگول شعليه
او غيِّر ابصوتك هالحراميه
إگلب هالكراسي العالي واطيه
لتصدگ حچيهم شوف تاليه
من أجل المصالح ميه بالميه
ها خوتي ها
إشلون اتأمن بيهم كلهم دجالين
** **
لتأمن يشعبي إلتاجروا بالدين
بري الدين منهم ذوله دجالين
مصالحهم كراسيهم بيهه مهتمين
ها خوتي ها
وإنته الخارج قوس اتيقن بالله إتيقن
** **
انهض يا شعب ساكت بعد لا وين
وصلت للعظم شتريد توصل وين
غيرهم إبصوتك گالوا أهل الدين
ها خوتي ها
صوتك من ذهب لتگول شعليه
** **
هب ثوره شعبنه إجموع جراره
عدكم ثار إجاكم يطلب إبثاره
تفخيخ إو ذبح والهجره قهاره
ها خوتي ها
لو ثار الشعب متفيد كل چاره