صوتنه صوت الفقير / ابو نوفل البصري
- التفاصيل
- نشر بتاريخ الأربعاء, 10 شباط/فبراير 2016 18:54
صوتنه صوت الفقير.....صوتنه صوت الفقيرصوتنه ضد الظلام
للورود وللسلام
دوم نمشي للامام
واحنه رواد المسير......صوتنه صوت الفقير
صوتنه عبر السنين
لايبح ولا يلين
للوطن هو الامين
سند للفقره ..ظهير......صوتنه صوت الفقير
صوتنه صوت الفقير
الگعدوه اعله الحصير
لان ماعدهم ضمير......صوتنه صوت الفقير
صوتنه ساس وجذور
نزرع الخير ابذور
صار نغمه للطيور
واحنه انقى من الحرير......صوتنه صوت الفقير
صوتنه ضد اللي خان
كشف كل قاضي جبان
نصرخ وآن الاوان
گوم ياشعبي نفير........صوتنه صوت الفقير
صوتنه صوتك (فؤاد)
غنى للحب للبلاد
شوكه بعيون الفساد
بحر وصوته هدير......صوتنه صوت الفقير
صوتنه صوت (العضب)
نهر يجري مانضب
يصيرعالظالم غضب
وللورد هو العبير......صوتنه صوت الفقير
صوتي مو عابر سبيل
لازم يتم الرحيل
للمنافق للهزيل
شلع ازغير وجبير......صوتنه صوت الفقير
صوتنه خير وسحاب
للفرح يفتح الباب
للطفل ينطي كتاب
يفتح اعقول وينير.......صوتنه ةصوت الفقير
احنه ضد الاحتيال
والاجانب والانذال
وحالنه اسوأ الحال
من وره بوگ الوزير.....صوتنه صوت الفقير
صوتنه فرحة الناس
صرخه وحده وبحماس
احنه ضد الاختلاس
نبقى نهتف للاخير
الچذب حبله قصير
صوتنه صوت الفقير.....صوتنه صوت الفقير