الى .. شركاء الوطن / طارق حسين
- التفاصيل
- نشر بتاريخ الأحد, 03 نيسان/أبريل 2016 20:11
كتلك طويل الدرببس بالمشي يكصر
والماعرف خطوته
بأول حجر يعثر
ثمانين عمري إنكضت
والگلب بعده أخضر
لا بدلت صاحبي
ولاحالفت ع الشر
* * *
مديت روحي جسر
للصحبه والخلان
وصيتهم ع الوطن
أرض وسما وإنسان
الوفه منهم وفه
والخان منهم خان
وآنه بزمان الكحط
ما خنت بالميزان
* * *
دربين هوه العمر
لو يسره لو يمنه
من حيث مامش وسط
إعله إحساب وادمنه
الراح قد مومهم
الجاي كل همنه
الما عنده حظ وبخت
ما يكدر يلمنه