ادب وفن

طريق الشعب / حسين البهادلي

ما ساومتي من ذاك الوكت لليوم
بقيتي امحافظه ومطلبچ حريه
ابوكت جنتي البريد السري بين الناس
دورج جان اكبر روح ثوريه
الج تاريخ خرج خيرة الكتاب
معتمده عليهم صحف يوميه
احچايات ابو گاطع كلهم يذكروهة
سلبتهه سلب راحه البعثيه
رادو تلغين ابهذن لتكرمين
الثوره وقادسيه ومدري منهيه
بس انت بقيتي ومبدأج لينين
اصيله وما قبلتي افكار رجعيه
ورسالة فهد كملتيهه لمن ثار
تحجين ابحقوق الشعب يوميه
وبعد اربعه رديتي باجمل ثوب
ثوب الفقره مو ثوب الحراميه
ورجع عامودج الرافض شكو استعمار
وظل موقفج ضد الرأسماليه
ابتمويلج الذاتي وكلهم يعرفون
خلقتيلج فكر ما گال شعليه
كل الصحف شالتج كحل بالعين
طريق الشعب هيبه وصادقه النيه
لان ثوبج عراقي الصنع ويعرفوه
ثوب امفصلاته چفوف شوعيه