اهلاً بهاي الجريدة **/ ابو انيس*
- التفاصيل
- نشر بتاريخ الخميس, 02 تموز/يوليو 2015 15:02
يا هله بام الجرايد حلوة ونلبسلچ كلايدبس الچ تحله القصائد كل وكت وانتي جديدة
يا هله بهاي الجريدة
انتي يا امنة الحنونة يلي حزبج هو ابونة
عهد كل حجيج نصونه حچاية من عندي اكيده
مرحبه بهاي الجريدة
اهلا بهاي الصحيفة ام الافكار الشريفة
كل كتاباتج لطيفه تحچي عن دنيه جديدة
يا هله بهاي الجريدة
يا هله بهاي الرفيقة اللي تبحث عن حقيقة
ترسم الشعبي طريقه افكار علميه واكيدة
مرحبه بهاي الجريدة
اهلا بهاي الحبيبه اقتصادية واديبة
تصقل افكار الشبيبة بالمواضيع السديدة
يا هله بهاي الجريدة
اهلا بام المناجل والچواكيچ الصواقل
بالحقول وبالمعامل التشوفه وحده بيدة
اهلا بهاي الجريدة
يا هله بام المسره نهاري ليلي بيچ اقره
من اجل اوطان حره امنه وايضا سعيده
مرحبه بهاي الجريده
وبالختام انگول حلوه الها روحي تروح فدوه
القصايد الهة تسوه انتشي من اكتب قصيده
اهلا بهاي الجريدة
ـــــــــــــــــــــــــــــــــــــــــــــــــــ
* شاعر من الشامية.
** جريدة "طريق الشعب" 27 تموز- 2 آب 2003.