الراية / حمد القابجي
- التفاصيل
- نشر بتاريخ الخميس, 21 تشرين2/نوفمبر 2013 19:41
شرفها المنجل الرايه ترفرف مطرقه ابإيمان
تهتف يالجياع اتكوم تخسر جوعها الشجعان
***
بيه الفكره تعشقها اعيون اطفالها الكلمه
تريد اتقدم الاخلاص من اجبينها ابنغمـــه
تعزفها ايادي الجوع ما تنذل ابكل نقمــــه
ماتنحني الكل طاغي
تبقى اتصارع الباغي
تناجي ابحبها وتناغي
لعد اسمك يها الميمون من توكف تهز جيمان
***
لا ابيض ولا اسود الشاعر بيها هوه الذات
يضحك للهوى العذري وبخيام الحقيقــه ايبات
يرتّل آية الفــــلاّح من خير العمـــل رايات
تضحك هالارض فرحه
بعيون السهر جدحه
بيها امن الامل نفحه
بيها المنجل اوجاكوج يرسم بالعمل ألحان
***
كتب عالارض معنى اكبير صنع منها نظام اجديد
ما بيه الوحوش اتجول شريعة غاب إلها اتريد
راح ويالنضـــال اينور ابكل ظلمه ويعيّد عيد
بسمة شرف من الروح
تفوح اطيبها وشتفوح
لاثمرة حب شجرة دوح
تظلل على الوجود اتهيم خضره الروح يالوجدان
هذا اكتاب إله عنوان على اللسان الفرح انسان