عاشـك بشر / علي الغركان
- التفاصيل
- نشر بتاريخ الخميس, 24 كانون1/ديسمبر 2015 13:02
عاشـگ بشر چنه إنسانابد ما يشبه أمي بشي
من گد ما صفنت عليه
أحس عيوني بيه تمشي
ومو كلشي يشبه صاحبات دفوف
عنده الشرف مو كلـــشي
حاولت استنزله بليل
لكن چلب برمشي
وانه إنسان أمي تـگله اعشـگ ناس ينحبون
وعشگت إنسان صبخة بـگصته
مامشـ ماي
هو الطوله مدري شـگد
وانه الطولي چان هواي
بس يله الـگصر موعيب
هي الناس تحچي اشكال
بيهم ناس ينحبون
بيهم ناس ينكرهون
وطبعي الماي مااترك حفر ما فوت
طبعي الماي
اعزب وادم الميتين يمعودين
امشو وياي
ما يمشون تعرف ليش
يدرون البشر مغشوش
يدرون العشـگ چذاب
يدرون العثر مشتاك مو ميشوف
يدرون الـگمر محتاج وادم تـكعد كباله
يدرون الحرامي إنسان
ضاگت عينه گام يبوگ هسه
اختلفت أحواله
يدرون اليزعلـ ناس ما محسوب ابن ديوان بس مبخوت
يدرون البشر لو زين
يطلع كاشخ التابوت
يدرون الوگف بالباب مو ناطور
بس كشاخ
الناطور صابغ من نضر بيبان
بس يتاني ولفه يفوت
يدرون البگصتة الماي يعادل
كل نهر متروس
يدرون الزلم افعال
وادم ماتت من أسنين ولسه بابهم تنباس
يدرون اليحب يموت
لوفارگ بعد لو صاح يم شفته ويرد الصوت
(ومايدرون)
لو چان الشكل مطلوب
ماحبيت البالي