همزة وصل .. / كاظم غيلان
- التفاصيل
- نشر بتاريخ الثلاثاء, 08 آذار/مارس 2016 20:17
الى زهير الدجيلي
اسمع ابروحي ونين اهواي
تاخذني الشوارع مدري وين
لاني تايه.. لاني راكد
لاهي ناس وحتى اناشدهه عليك
ولا هو ليل ايضوي نص بغداد
حته اندل گهاويهه القديمه
ولاني گايم.. لاني كاعد لا الطيور الطايره
ابذيج السمه.. وذاك المسار
ولاني بالجنه التهيت
ولاتوج ابروحي نار
يمكن التمت صفنتي
واكتبتلك يا حبيبي
الآن.. من بعد الأذان هذا نص مكتوب
بس يشبه بيان اموقع ابهمزة وصل
لو نصل ونشوفكم..
لو ما نصل..